Әлібек Асқаров
Туған жерге туыңды тік!

Әлібек Асқаровтың жаңа жинағына ел мен жер туралы эсселері жарық көрген. Көпшілікке белгісіз құпия сырларын ашуға арналған "Көккөл", "Аспантау", "Шанағаты", "Шабанбай". "Қазығұрт", "Мұзтау" сияқты шығармалары топтастырылған.   

Әлия Бөпежанова
Мұнара

Әдеби көркем сын кітабында автор көркем әдебиетіміздің көрнекті тұлғалары мен талантты жас буынының шығармашылықтары қарастырылған.

Оңдасын Елубай
Ғұмыр дастан

Қаламгер Оңдасын Елубайдың бұл кітабында әлемдік дүбірлі додаларда Алаштың көкбайрағын желбіреткен майталман спорт жұлдыздарының жеңісті сәттері енген

Бейбіт Қойшыбаев
Ұлттық қозғалыс сарбазы

Бұл тарихи туындыда күрескерлік жолда ел мүддесін көздеген ХХ ғасырдың басындағы көрнекті қоғам қайраткері Бақытжан Бисәліұлы Қаратаев туралы. Рисәлә үш бөлімнен тұрады.

Өрт жылдардың отты жандары

Кітапта Ұлы отан соғысы кезінде Қазақстаннан соғысқа шақырылған әйелдердің ерліктері тізімдеп көрсетілген.                      

Сауле Мәлікова
Тың эпопеясы тарих таразысында

Бұл кітап тарихта "Тың эпопеясы" деген атпен қалған ұлы науқанның сардарларын талдайды, нақты деректер негізінде оның зардаптарын жүйелеп көрсетеді.                                                                                                                      

Қайымова Б.
Қазақстан халықтарының ертегілері

Жинақтағы ертегілер - Қазақстан жерін мекен еткен халықтардың ежелгі ауыз әдебиеті жаһұттарының озық үлгілерін ұсынған.         

Ғалымжан Мелдешов Журналист жолға шықты

Өмірінің едәуір бөлігін журналистика саласына арнаған автор өзінің тәжірибесін ортаға салды. 

Айнұр Найманбай
Көркемдік көкжиегі

Дарынды жазушы Ғ. Мұстафин шығармаларының тілдік құрылымы мен қаламгердің қазақ әдеби тілін дамытудағы орны, шеберлік қырлары туралы ғылыми зерттеулер берілген.

Дандай Ысқақұлы
Мағжан

Кітапта Мағжанның ақындық тағдыры кеңестік кезеңнің шынайы шындығымен тығыз байланыста жан-жақты құрастырылады.

Маман Байсеркеұлы
Сахна сыры

Кітапта Қазақстанның халық әртісі, театр режиссері, профессор Маман Байсеркеұлының спектакльдері туралы мақалалар, шығармашылық кескіндемелер, сұхбаттар және театр туралы толғамдары мен пьесалары енген.                               

Ерлан Төлеутай
Үкілі Ыбырай

Ұлы композитор Үкілі Ыбырайдың өмір жолы, барлық әндерінің шығу тарихы зерттелген. Өнертану ғылымы тұрғысынан тың пайымдар, тұжырымдар, мұрасының бізге жеткен нота жазбалары жүйеленген.                        

Әбіш Кекілбаев
Шығармашылығы : энциклопедия

Қазақстанның Еңбек Ері, заңғар жазушы, мемлекет және қоғам қайраткері Әбіш Кекілбайұлының қаламынан туған шығармалары адамзат қауымының асыл қазынасына айналып, жаһандық өркениет қорына қалтырған баға жетпес мол мұрасы.           

Мырзатай Жолдасбеков
Ұлы дала әдебиеті

Ұлы дала әдебиетінің көне дәуірдегі даму кезеңдері, кемелденген жауһар мұрасы жаһанға танылып, жаңа заманға ұласқан сөз өнеріміздің дәстүр сабақтастығы туралы іргелі еңбектері енгізілген.     

Тілекқабыл Боранғалиұлы  Жәңгір хан

Жәңгір Бөкеевтің қазақ қоғамындағы алар орны ерекше. 22 жыл тақ иеленген кезіндегі қайраткерлігі мен өнегелі істері тұлғаны соны қырынан таныту мақсат етілген.

Айтмұхамбет Қасымов
Жол үстіндемін

Жарты ғасыр қолына қалам ұстап "Дидар" газетінде журналистік қызмет атқарған Қасымов Айтмұханбеттің ғұмырнамалық кітабы. Соңғы жылдары жазылған деректі дүниелер,саяхат сапарлары, журналистік зерттеулер, естеліктер ұсынылып отыр.

Қазақ өнерінің антологиясы

Шешендік сөздерге арналған бұл томда ескі заманнан бергі ел есінде қалған шешендік қабілеттің ғұмырлы болуы. Сөз зергерлері Сырым Датұлының, Байдалы Бекшеұлының, Шоң Едігұлының және басқадай тарихи тұлғалардың шешендік мұралары енген.                                     

Қорқыт ата кітабы

Түркі халықтарының ортақ әдеби жәдігері - "Қорқыт Ата кітабының" Дрезден қолжазбасының транскрипциясы, қазақша жаңашаланған мәтіні, сөздігі Қазақстанда тұңғыш рет жарияланып отыр.                           

Т. Хакимова
Қашықтықтан оқыту технологиясы

Жаңа технологияны пайдалан отырып, қазіргі кездегі ЭЕМ-де жоғарғы деңгейде тәжірибе алып, жұмыс істеу қабілетін арттыру мүмкіндігі туады. Мәліметтерді өңдеудің түйінді мәселелері қарастырылған. Қашықтықта оқытудың қазіргі заманадағы ерекше рөлі мәселелерді шешуге көмектеседі.                          

Көшбасшы

Көшбасшылық тақырыбын зерттеген айтулы ғалымдардың таңдамалы он кітабы енген. Адамзат ойының алтын қазынасына айналған таңдаулы туындылар ұсынылып отыр.              

Роза Набуова
Тәрбие жұмысының әдістемесі

Сыныптан тыс тәрбие жұмысын ұйымдастыру жүйесін қалыптастыру, олардың тәрбие процесін ұйымдастыруда білім жүйесі және өздігімен білім алуын, кәсіби жеке тұлғаның қалыптасуына бағыттар анықтайды.

А. Т. Ақажанова
Психология тарихы

Психология тарихының мән-маңызы, даму тарихы, заңдылықтары, шетел және отандық ұлы ойшыл ғалымдардың философиялық, психологиялық еңбектері, ғылымға қосқан үлестері, тұжырымдамалары сипатталған.                                                                                                                                                                                    

Қадыржан Әбуев
Ақмола облысының тарих және мәдениет қайраткерлері

Ақмола облысының Абылай хан заманынан бергі халқымыздың тарихындағы ел басқарған кемеңгер хандарымыз, еліне қорған болған батырларымыз, дана билеріміз, ойшыл ғұламалар, ақын-жыраулар, сал-серілірдің өмірбаяны, саяси портреттері, атқарған қызметтері сөз болады.                              

Джон Уорделл 
Қазақ даласында = В казахских степях = In the kirgiz steppes

Бұл кітап  Алаш жұртының тұрмыс-тіршілігін, салт-дәстүрін, әдет-ғұрпын еуропалық көзқараспен қызықты етіп хатқа түсірген.                   

Әлихан Бөкейхан
Шығармалары I том

Бұл томға Ә.Н. Бөкейханның 1889-1903 жылдар аралығындағы  қазақ және орыс тілдерінде жарық көрген мақалаларын, ғылыми зерттеулерін, «Щербина экспедициясының» материалдарын, аудармаларын, хаттарын және хаттамаларын қамтиды.

Әлихан Бөкейхан
Шығармалары ІІ том

Бұл томда 1903 жылы мерзімді баспасөз беттерінде жарияланған мақалалары, азанамасы(некролог), ғылыми зерттеулері, "Щербина экспедициясының" материалдары және Ә.Н. Бөкейхан іздеп жариялаған мұрағат(архив) құжаттары қамтылады.

Қайрат Сәки
Ер қаруы - бес қару

Бұл зерттеу - садақ, найза, қылыш, айбалта және шоқпар секілді жеке қару түрлерін бабаларымыздың қалай қолданғаны  мәмлүк әскери трактаттары мен қазақ ауыз әдебиеті үлгілерінде сақталған материалдарды салыстыра отырып көрсетеді.                                         

Асқарбек Бектемісов
Тәуелсіздік тартуы

Публицистикалық туындының бірінші бөлімінде бірнеше мақалалар, екінші бөлімде жеке тұлғалар туралы айтылған. Еліміздегі өзекжарды мәселелердің бірі «Ауылдың мұңы – ауыз су» ақаласында Торғай өңіріндегі әлеуметтік проблемаларды қозғаған. Ел өмірінің бүгінгі ахуалына бей-жәй қарамайтын сергек ойлы оқырманға жол тартады.

Кеңес Серғазыұлы Байтоғасов
Соқпақсыз қия кезеңдер

Өмірдің сан белесінен өтіп, еңбекпен есейіп еліне, халқына өнердің ауыр жолын паш еткен өнер иесінің кітабы. Аудан мәдениетінің жаршысы Кеңес Байтоғасовтың ғұмырнамалық естеліктері мен ой-толғаныстары баяндалған.

Мария Тереза Гватолид
Рим. Ежелгі  өркениет тарихы мен қазыналары

Ежелгі өркениет тарихы мен қазыналар топтамасы ежелгі және антикалық өркениетті қамтыған. Рим өркениеті өзінің Еуропа мәдени мұрасындағы сақталған құндылықтары әлі күнге дейін  ерекше қызығушылық тудыруда.                                               

Омар Жәлелұлы
Харекет

Кітап  Абайдың "Адам бол - мал тап" қағидасына негізделген. Адамды еңбек етуге, адами болмыс-бітімін, ар-абыройын сақтап қалудың жолдарын нұсқайтын ғылыми мақалалар мен зерттеулер енген.

Молдағали Жолдыбайұлы
Шығармалары

Жинақта ХХ ғасырдың басында ұлттық білім-ғылымды қалыптастыруға, дамуға үлес қосқан қайраткер, әдебиетші, аудармашы педагог, журналист М. Жолдыбайұлының оқу құралдары, әліппелері, мақалалары мен архив материалдары қамтылған.