Киелі Алтай 
= Великий Алтай
= The great Altai

Шығыс Қазақстанның байлығы: табиғат сұлулығы, көрікті жерлері, сирек және түсті металдар, халқы туралы фотоальбом.                                                                                                                                                                                                       

Маратбек Қамзаұлы Ақанов
Қазақтың ру - тайпа атауларына ғылыми көзқарас

Аталмыш еңбекте ру-тайпа тауларының шығу тегі туралы  ауыз әдебиеттердегі  мәліметтермен ұштастыру арқылы ғылыми талдау жасаған.                                                                                                                                                                    

Латын әліпбиі:
теория, әдістеме және насихат.

Ғылыми жинаққа қазақ тілін латын әліпбиіне көшіруге байланысты жұмыстардың барысы туралы еңбектер енгізілген. Еңбекте әліпбидің емле ережелері, насихат шаралары берілген.

Тарбағатай ауданы жер-су атауларының сөздігі

Қазақ халқының ғасырларбойы жүріп өткен жолының небір құндылықтарын бойына сіңірген тілдік жәдігер. Туған жердің әрбір сайы мен қырқасы, тауы мен өзені тарихтан сыр шертеді.

Ілияс Ахметұлы
Қазақ сөзіне тиісті деректер

Автор ХХ ғасырдағы қоғам қайраткері, журналист, оқытушы, шығыстанушы Ілияс Ахметұлы қазақ тарихына, "қазақ" сөзіне қатысты материалдарды өз бетінше жинақтап, зерттеу жүргізген. Еңбек 1934 жылы жазылып, қолжазба күйінде сақталған. Еңбек алғаш рет латын әліпбиінен кирил әліпбиіне аударылып беріліп отыр.

Мұқағали тілі сөздігі 

Синтездік (түсіндірме мен жиілік) сөздікте тұрақты тіркес түгел қамтылған. Тірлік бірліктердің әрқайсысына анықтамалар беріліп, мысалдар келтірілген. Мұқағалидың қазақ әдеби тіліне қосқан үлесі мен орны айқындалған.                                                                                                                                                                          

Мұқан Төлебаев
Қазақ халық аспаптар оркестріне лайықталған шығармалары

Мұқан Төлебаевтың отыз төрт шығармасы халық аспаптар ансамблінің қолдануына, арнаулы оқу орындарының музыкалық мамандарына, дирижерларына, жалпы әнсүйер қауымының репертуарларына пайдалануға ұсынылып отыр.
жинаққа автордың заманауи ертегілері енгізілген.

Фольклорлық мұралар: жиналу, жариялану тарихы

М. О. Әуезов атындағы Әдебиет және өнер институтындағы қолжазбаларда, сирек басылымдарда жинақталған ертегілердің, аңыздардың, хикаяттардың, жұмбақтардың, жырлар циклының жиналу және жариялану тарихы қарастырылған.

Нұржан Қуантайұлы
Жүсіпбек Аймауытұлының көсемсөзі

Белгілі қаламгер, ғалым Нұржан Қуантайұлы бұл еңбегінде Ж. Аймауытұлының көсемсөз шығармашылығын жан- жақты, толық зерттейді.
Жүсіпбек Аймауытұлының баспасөздегі, белгісіз болып келген редакторлық қызметтері анықталып, архив құжаттары бойынша өмірбаянының ақтаңдық тұстары қалыпқа келтірілген. Нұржан Қуантайұлының «Жүсіпбек Аймауытұлының көсемсөзі» атты монографиясы ғалымдар тарапынан жоғары баға алған еңбек.

Нәзира Рахманқызы
Қазақ киносы: кеше және бүгін

Кітап жалпы ұлттық кино өнерінің кешегісі мен бүгінгісінен сыр шертеді.                                                                                                                                                                                                                                                                                                                                                         

Дәнеш Ахметұлы
Робот және алты асық

Бұл жинаққа автордың заманауи ертегілері енгізілген. Қазіргі сандық технологияның даму заманында жас сәбилердің ой-өрісін дамытып, олардың даму психологиясына әсер ету оңай емес. Аталмыш кітапша әсем көрнектелген. 

Бейбіт Қойшыбаев
Тарих және тұлға

Қазақ халқының қалыптасуы, этностық атауымен мемлекеттігін құру, жалпы алаштық идеяның өміршеңдігінмен таныстырады. Кітап Алаш-Орданың ғасырлық мерей тойына арналған.

Немат Келімбетов
Түркі халықтарының ежелгі әдеби жәдігерліктері

Профессор Немат Келімбетовтың еңбегінде сақтар мен ғұндар дәуірінен баcтап ХVІ ғасырға дейінгі кезеңдерде пайда болған әдеби шығармалар хронологиялық ретімен берілген.    

Советхан Қалиғожин
Білікті ұрпақ тәрбилеу

Ұсынылып отырған материалдар мұғалімдердің кәсіби іскерлігін, біліктілігі мен дағдыларын жетілдіруге арналған.                               

Бексұлтан Нұржеке-ұлы
Қазақ тарихынан

Жинаққа әр жылдарда қазақ халқының тарихына қатысты жазған мақалалары мен зерттеулері жинақталған.  

Шөптібай Байділдин.
Оюмен ой айтқан елміз

Халық шеберінің көп жыл ізденіп ұлттық нақыштағы жасаған ою- өрнектері әртүрлі тақырыптарға бөлініп берілген.                                                                                                                                                                                                                                                                                 

Келденбай Өлмесеков
Сұраған жанға сәлем айт...

Жинақта жерлесіміз танымал әнші К. Өлмесековтің орындауында бізге жеткен Шәкәрім әндері мен Шыңғыстау өңірі, Абай айналасындағы әнші- композиторлардың әндерінің нотасы, әндер тарихы,әнші жайында мақалалар, естеліктер, сыр- сұхбаттар, әншіге арнау өлеңдер топтастырылған.

Тұрсынғазы Рахимов
Сағынбасқа не шарар

Жинақта жерлесіміз әнші-композитор Тұрсынғазы Рахимовтың өмірі мен өнер жолы, әндерінің тарихы, ол туралы мақалалар мен естеліктер, сыр-сұхбаттар, әндер мен арнау-өлеңдер топтастырылған.      

Мәдениет Ешекеев
Сұржекей

Жинақта әншінің орындауындағы бізге жеткен барлық әндері жинақталып, нотаға түсіріліп, берілген, өмірі мен өнер жолы, әнші жайындағы жазылған мақалалар, естеліктер, арнау өлеңдер топтастырылған.

Жергілікті атқарушы органдар өкілдеріне арналған тренингтер

Жергілікті атқарушы органдар өкілдеріне арналған тренингтердің әдістемелік материалдары енгізілген.                                                               

Уанбаев Е. Қ.
Дене мәдениеті және спорт теориясы мен әдіснамасы

Дене тәрбиесі сабағы және спорт жаттықтыруларын оқу орындары мен спорт мектептерінде оқыту үрдісі туралы мәселелер кеңінен қамтылған.