«Армысың, әз-Наурыз!» мерекелік интерактивті әдеби экспозиция

Бүгін 16 наурыз күні кітапханада «Армысың, әз-Наурыз!» атты мерекелік интерактивті әдеби экспозиция ашылды.

Мереке қарсаңындағы мазмұнды кітап көрмесінің алғашқы қонақтары – Өскемен қаласының полиция қызметкерлері Наурыз мейрамының шығу тарихы, қазақтың салт-дәстүрлері, ұлттық ойындар, ұлттық киім, ұлттық тағам, қолөнер бұйымдары, «Наурызнама» онкүндігінің мазмұны жайында сапалы ақпарат алып, көктемнің шуақты мерекесіне арналған түрлі әдебиеттер және мерзімді басылымдармен танысты. Әсіресе бүгінде ұмыт болып бара жатқан 350-ге тарта ұлттық дәстүр, оның ішінде отбасылық дәстүр мен құндылықтарға арналған басылымдар, сондай-ақ, халық әндері жинақталған кітаптар келушілердің ерекше назарын аударды.

Баршаңызды алда келе жатқан Ұлыстың Ұлы күні – Наурыз мерекесімен құттықтай отырып, кітапханамыздың қонағы болып, мерекеге арналған кітап көрмесін тамашалауға шақырамыз.