«Тіл – татулық белгісі» атты дөңгелек үстел отырысы өтті.

А.С. Пушкин атындағы Шығыс Қазақстан облыстық кітапханасында Тілдер күніне орай «Тіл – татулық белгісі» атты дөңгелек үстел отырысы ұйымдастырылды.

Дөңгелек үстел мақсаты – мемлекеттік тілдің мәртебесін көтеруге, отансүйгіштік сезімді арттыруға ықпал ету.

Іс-шараға қаламыздағы жоғары оқу орнының студенттері мен кітапхана оқырмандары, тіл жанашырлары қатысты. Шара барысында кітапхананың қызметкері Алиева Динара және Д.Серікбаев атындағы ШҚТУ студенті Топай Есенғажы мазмұнды баяндама жасады. Әлемдегі әртүрлі тілге қатысты қызықты деректерді қамтыған викториналық сұрақтар, шараға қатысушылар арасында өткен интеллектуалды ойын қатысушыларға өте қызықты әсер сыйлады.

Қатысушылар тілдің халықтың рухани мұрасы әрі ұрпақтан-ұрпаққа жететін асыл қазына екеніне тоқталып, қазақ тілінің мәртебесін көтеру мен этносаралық қатынастағы маңызы жайында ой бөлісті.

Шара аясында оқырмандар назарына «Ана тілім тірлігімнің тірегі» атты кітап көрмесі ұсынылды, дөңгелек үстел соңында ана тілі туралы өлеңдер оқылды.

Байланыс тел.: 261333