«Артық ғылым кітапта...»: Оқы, таны, таңғал!

Кітап оқу — трендте! Ұлттық кітап күніне орай Пушкин атындағы кітапхана апта бойы тоқтаусыз іс-шаралар марафонын өткізеді. Біз құрғақ есеп үшін емес, нағыз кітап сүйер қауым үшін есігімізді айқара аштық!

Апталық 16 сәуір күні сағат 14:00-де «Кітап керуенінің» салтанатты жабылуымен басталады.

Келесі күні, 17 сәуірде «Күн көзіндегі көлеңке» Гүлнұр Зұлқаршын (11:00) мен «Толқын ғұмыр» Толқын Уызбаеваның (14:00) жаңа туындыларының тұсауы кесіледі.

18 сәуір — ең қарбалас күн: таңертең оқырмандар форумында бас қоссақ, түсте нәзік жандыларға арналған «Ең бақытты әйел» тренингі, ал сағат 15:00-де «Бажовский киномарафон» кино режиссерлері және актерлерімен қызықты кездесу күтіп тұр.

Ерекше формат іздегендер үшін 20 сәуірде кешкі сағат 18:00-де әлеуметтік желілерде «Кітапханадағы түнгі студия» тікелей эфирге шығады.

21 сәуірде «Кітап – білім бұлағы» интерактивті кітаптар, «Кітап, Тарих, Шежіре» атты сирек жәдігерлер көрмесін тамашалай аласыздар.

Апталықтың нүктесін 23 сәуірде сағат 14:00-де «Үздік оқырманды» анықтап және классик жазушы Қабдеш Жұмаділовтың «Қарасөздің қас жүйрігі» әдеби талқылаумен қоямыз.

Келіңіздер, көріңіздер, кітап әлемінің ерекше қуатын бізбен бірге сезініңіздер!