«Сөз бен Сана» — маусымның жарқын финалы!

Олжас Сүлейменовтың 90 жылдығына орай ұйымдастырылған зияткерлік куиз — ой мен білімнің, рух пен сананың тоғысқан ерекше алаңы болды.

Бұл ойын “Эрудит” интеллектуалды клубының ұйымдастыруымен 2025–2026 маусымының жабылуы әрі қорытындысы ретінде жоғары деңгейде өтті. Жалпы 14 команда қатысып, әр кезең тартысқа, логикаға, эмоция мен көтеріңкі көңіл-күйге толы болды.

Біздің ойындардың басты ерекшелігі — дресс-код: «Ұлттық киім». Біздің басты мақсатымыз — ұлттық киімді тек мерекеде емес, күнделікті стильге айналдыру. Осындай зияткерлік алаңдар арқылы ұлттық құндылықты дәріптеу — біздің миссиямыз.

Номинациялар:

Үздік ойыншы — Шығыс Бөрілері командасының ойыншысы Рафгатұлы Расул

Үздік дресс-код — Сәрсен Аманжолов атындағы ШҚУ Жоғары колледжі

Жүлде қоры — 100 000 теңге:

1-орын — Шығыс Бөрілері (50 000 тг)

2-орын — Зерделі (30 000 тг)

3-орын — Mugalim boys (20 000 тг)

Осылайша, біз бір маусымды әсерлі әрі лайықты түрде қорытындыладық.