Шабыттан туған шумақтар: кітапханада өтетін әдеби кездесу

29 қыркүйек 2026 жылы сағат 15:00-де А. С. Пушкин атындағы Шығыс Қазақстан облыстық кітапханасы ақын, «Звено Алтая» облыстық әдеби бірлестігінің жетекшісі Наталья Семеновна Матвееваның 75 жылдығына арналған «Шабыттан туған шумақтар» атты әдеби кездесуге шақырады.

Бұл кездесу 2026 жылы Шығыс Қазақстандағы ең көне әдеби бірлестіктердің бірі – «Звено Алтая» әдеби бірлестігінің құрылғанына 105 жыл толуымен де ерекше болмақ. Сонымен қатар, биыл ұзақ жылдар бойы әдеби бірлестікті басқарып, өңірдің әдеби өміріне елеулі із қалдырған қаламгер Александр Иванович Егоровтың туғанына 100 жыл толады.

Алайда мерейтойлық кеш – бұл тек даталар мен есімдер ғана емес. Бұл – адамның өмірі мен тағдыры, отбасы мен туған қаласы, алғашқы кітабы мен алғашқы өлеңдері жайлы сырласу, бір кездері оның талантын танып, қолдау көрсеткен жандар мен енді өздері жас қаламгерлерге қолдау көрсету бақытына ие болған азаматтар туралы ой өрбіту.

Наталья Семеновнамен бірге оның Өскемендегі балалық шағын, әдебиеттегі алғашқы қадамдарын, «Звено Алтая» бірлестігімен алғашқы кездесуін, ондағы еңбек жылдары мен шығармашылық жолының бір бөлігіне айналған адамдарды еске аламыз.

Кеш барысында ақынның өлеңдері оқылып, отбасылық мұрағаттағы фотосуреттер мен әдеби бірлестіктің тарихына қатысты естеліктер мен жарқын күндердің беттері қайта жаңғыртылады.

«Звено Алтая» әр жылдары қандай болды? Ұзақ жылдық шығармашылық жол адамға қандай із қалдырады? Жас қаламгерге өзіне сенуге кім көмектеседі? Ал бүгінгі таңда поэзия оқырман жүрегіне қандай ой салады?   

Міне, осы сұрақтар төңірегінде Наталья Семеновна Матвеева және оның достары, әріптестері және пікірлестерімен өтетін жылы жүздесуде әңгіме өрбиді.

Поэзияны, туған өлкенің әдеби тарихын және адам тағдырына қатысты шынайы оқиғаларды жақын көретін баршаңызды кездесуге шақырамыз.  Шығыс Қазақстанның әдеби тарихын қалыптастырған жандарды бірге еске алып, ақынның жырларын тыңдап, жылы қарым-қатынасқа толы ортада бірге уақыт өткізуге келіңіздер!