Цифрлық трансформация

19 қыркүйекте А.С. Пушкин атындағы Шығыс Қазақстан облыстық кітапханасында Шемонаиха аудандық кітапханасының қызметкерлеріне арналған кәсіби тағылымдама өтті. Кездесу анықтама-библиографиялық қызмет көрсетуден бастап цифрлық жобалар мен инновациялық технологияларды енгізуге дейінгі кітапхана ісіндегі заманауи тәсілдерге мәселелерге арналды.

Облыстық кітапхана қызметкерлері өздерінің өлкетануға арналған интернет-жобаларын, соның ішінде электронды дерекқорлар мен толықмәтінді кітапханаларды таныстырды. Бұл ресурстар ақпараттық қызметтер спектрін кеңейтуге және оқырмандарға қызмет көрсету сапасын арттыруға көмектеседі. Тағылымдамаға қатысушылар осы платформаларда қажетті ақпаратты іздеуді тәжірибе жүзінде меңгерді.

Шара аясында ұлттық әдебиетті насихаттауға және оқу мәдениетін дамытуға бағытталған ауқымды «Қазақстанның 100 танымал кітабы» жобасы таныстырылды. Кітаптарды насихаттаудың тиімді әдістері, іс-шаралар ұйымдастыру және оқырмандарды әдеби диалогқа тарту мәселелері талқыланды.

Сондай-ақ, кітапханашылар назарына облыс әкімдігінің бастамасымен 2018 жылдан бастап іске асырылып келе жатқан «Абай әлемі» кітаптар топтамасы» ұсынылды. Бұл жоба туған өлкесінің өткені мен бүгіні туралы сыр шертетін жерлес жазушылардың шығармаларын басып шығаруға арналған. Жеті жыл ішінде жалпы саны 72 389 данамен 110 кітап жарық көрді, оның ішінде 79 автордың жеке кітаптары, 11 жинақ, 5 том абайтанушылардың еңбектері және Абай шәкірттерінің мұрасының 4 томы бар.

Барлық кітаптар аудандың кітапханаларының қорына тапсырылды, ал олардың цифрлық көшірмелері енді электронды кітапханаларда қолжетімді. Бұл әр адамға кез келген уақытта және кез келген жерден оқуға мүмкіндік береді.

Президент Қасым-Жомарт Тоқаевтың цифрландыру және жасанды интеллект басымдықтары туралы Жолдауы аясында кітапханалар осы міндеттерді іске асыратын орталықтарға айналуда. Семинарда DosAI нейро-көмекшісін енгізу, «Шығыс Қазақстанның аңыз-әпсаналыры» мультимедиялық жобасын құру және қорларды жүйелі түрде цифрландыру тәжірибесі көрсетілді.

Бұл бастамалар жаңа буынның цифрлық кітапханасын - білім мен мәдени мұраның ашық экожүйесін қалыптастырады.

Қатысушылар ЖИ кітапханашыларға қалай көмектесе алатынын, мәдениетті жастарға қалай жақындатуға болатынын және кез келген аймақтардың тұрғындары үшін ақпаратқа қол жетімділікті кеңейтуді үйренеді. «Кітапхана 5.0» - бұл Қазақстанның цифрлық болашағына жасалған бірлескен қадамымыз.

Қатысушылар жасанды интеллектінің кітапханашылардың жұмысына қалай көмектесетінін, мәдениетті жастарға қалай жақындатуға болатынын және бүкіл аймақ тұрғындары үшін ақпаратқа қолжетімділікті қалай кеңейтуге болатынын білді.

Тағылымдама кәсіби өсу және тәжірибе алмасу үшін маңызды алаң болды. Алынған білім мен құралдар мамандарға кітапханалық қызмет көрсету сапасын арттыруға мүмкіндік береді.

Тел.: +7 (7232) 26-13-33