А.С. Пушкин атындағы Шығыс Қазақстан облыстық кітапханасы мен «Jeltoqsan-86» қоғамдық бірлестігінің ұйымдастыруымен 31 мамыр саяси қуған-сүргін құрбандарын атап өту күніне орай, қаһарман қазақ қызы, желтоқсан көтерілісінің құрбаны, Тарбағатай ауданының құрметті азаматшасы Сәбира Мұхамеджанованы еске алуға арналған  «Қаһарман қыз – Сәбира»  облыстық байқауы өткізіледі.

Президент Қасым-Жомарт Тоқаев 2024 жылғы Жолдауында цифрландыру саласында қол жеткізілген нәтижелерді күшейту міндетін алға қойды. Бұл жұмыстың негізгі бағыттарының бірі – кітапхана қорларын электронды форматқа көшіру. Осы стратегиялық бағыт аясында кітапханада 9 сәуір күні Дүниежүзілік кітап күні қарсаңында Кітапхана қорын цифрландыру орталығының ашылуы өтті.

31 наурыз күні А.С. Пушкин атындағы облыстық кітапханада ақын, жазушы, драматург Мағаз Разданұлының шығармашылығына арналған «Мағаз Раздан және Қытай қазақтарының әдебиеті» атты шығармашылық кеші өтті.

Ұлыстың ұлы күні – Әз Наурыз, жыл басы қашанда бірлік пен татулықтың, ізгілік пен бақыттың, жаңару мен  жаңа өмірдің жаршысы  іспетті. Халқымыз ежелден-ақ  алдағы күндердің жақсылығы мен қуанышының бастауы Наурызда деп білген.Шуақты көктем мерекесі қарсаңында кітапханада Наурызнама онкүндігі өтуде.

Бүгін 14 наурыз Қазақстанның еңбек сіңірген қайраткері, ҚР Мемлекеттік сыйлығының лауреаты, прозашы, драматург, кинодраматург, Катонқарағай ауданының тумасы Қалихан Ысқақтың туған күні. Осыған орай  кітапханада Қалихан Ысқақтың 90 жылдығына арналған «Қоңыр күз еді» повесі бойынша «Қазақ прозасының қара нары» атты оқырмандар конференциясы өтті.

 Шығыстағы көркі талайды тамсандырған Төр Алтайдың қойнауындағы құтты Қатонқарғай жері көптеген дарынды тұлғалардың кіндік қаны тамған жер. Биыл Алтайдың арда ұлы, қазақтың классик жазушысы, драматург Қалихан Ысқақтың 90 жылдығы мен белгілі жазушы, сара сөздің шебері Дидахмет Әшімханұлының 75 жылдық мерейтойлары қатар келіп отыр. Осы атаулы күндерге арналған облыс көлеміндегі іс-шаралар легі бүгін өлкемізге танымал айтыскер ақын, Катонқарағайдың талантты тумасы  Ақтан Нұрбаев атындағы Шығыс Қазақстан облыстық ақындар мектебінің ашылуымен басталды.

А.С. Пушкин атындағы Шығыс Қазақстан облыстық кітапханасы Алғыс айту күніне арналған «Бір шаңырақ астында» әдеби-ақпараттық көрмесін тамашалауға шақырады.