30 сәуір күні кітапханада ұстаз, ақын, Қазақстан Жазушылар одағының мүшесі, Катонқарағай ауданының Құрметті азаматы Төлеген Рақымжанұлының өмірі мен шығармашылығына арналған «Өлеңімнің өзегі – Өр Алтайым» атты облыстық байқау өтті.

7 сәуір күні А.С. Пушкин атындағы облыстық кітапханада саналы ғұмырын ұрпақ тәрбиесіне арнаған ұлағатты ұстаз, Қазақстан Республикасы Білім беру ісінің үздігі, ақын, шежіреші, алаштанушы, Қазақстан Жазушылар одағының мүшесі Құдабаев Сиезхан Дәулетханұлының 70 жылдығына арналған еске алу кеші өтті.

Сиезхан Дәулетханұлы - ғұмырының 30 жылдайын шежіре жазуға арнаған. «Дат-шежіре» 2-томдық, «Көк бөрілік тірлігім», «Мұзтау – мұнар» өлеңдер жинағы, «Кеңес Одағының Батыры Төлеген Тоқтаров», «Алаштың арысы Райымжан Мәрсеков» ғұмырнамалық - зерттелім, «Күркіреп күндей өтті ғой соғыс», «Ғұмырдария» кітаптарының авторы.
Сиезхан Құдабаев «Қазақстан Республикасы Білім беру саласының үздігі», есімі «Қазақстанның Мәртебелі ұстазы» энциклопедиясына енгізілген. «Ұлан ауданына сіңірген ерекше еңбегі үшін», Катонқарағай ауданының 90 жылдық мерейтойына арналған мерекелік төсбелгісімен және «Өр Алтай арысы» төсбелгілерімен марапатталған. 
Шараға марқұмның туыстары, әріптестері, жерлестері, қаламыздағы зиялы қауым өкілдері қатысты. ШҚО мәдениет басқармасының басшысы Қасенов Самат Берікболұлы еске алу кешінің шымылдығын естелік сөзімен ашып, осындай шаралардың маңыздылығын атап өтті. Халықаралық Алаш әдеби сыйлығының лауреаты, ҚР-ның еңбек сіңірген қайраткері, жазушы, публицист Қаңтарбаев Әлібек Қалиұлы бастаған шара қонақтары да өз естеліктерімен бөлісті.
Ұлан ауданында өткен «Сиезхан оқуларының» жеңімпаздары ақынның өлеңдерін оқыды, күй тартылып, Сиезхан аға туралы бейнебаяннан үзінді көрсетілді. Қаламгердің отбасы кітапханаға автордың кітаптарын сыйға тартты.

Ұлыстың ұлы күні – Наурыз мерекесі қарсаңында Ұлттық спорт күні кітапханада тоғызқұмалақтан жасөспірімдер арасында жекелей қалалық біріншілігі өтті.

20 наурыз күні кітапханада әнші, өнерпаз Берік  Рамазановтың  шығармашылық кеші өтті.

19 наурызда  кітапханасында кітапхана мамандарының цифрлық құзыреттіліктерін дамытуға бағытталған «Кітапхана жұмысында Жасанды интеллект: ЖИ-комплектаторды  және жаңа нейрожүйелік құралдарды практикалық меңгеру» тәжірибелік семинары өтті.

19 наурыз – Жаңару күні. Бұл күн – тек табиғаттың өзгеруі ғана емес, адамның ішкі дүниесінің де жаңаруы. Бұл күні адамдар бір-біріне ізгі тілек айтып, өкпе-ренішті ұмытып, жаңа бастамаларға жол ашады.

13-наурыз күні кітапханада жүз жасаған бәйтерек, жыр алыбы - Жамбыл Жабаевтың 180 жылдық мерейтойына орай ақын шығармашылығына арналған танымдық куиз ойыны өтті.